A letter from mastani to kashibai (reference: movie- Bajirao Mastani)

Priya Kashibai,

Tum chaand si ujli, main raat ki chhaya,

Tumhari hasi mein basi hai uski maya.

Main parchhaayi bankar uske sang aayi,

Par teri vedna mai samajh na paayi.

Tum uski pehli saanson ki ho dhadkan,

Main prem ki agni, adhuri virhajan.

Tumhari hatheli ki mehandi ka wo rang hai,

Mera to jeevan bas tinka-sa dang hai.

Main sautan nahi, bas prem ki bandini,

Par bhagya ki rekha bani ajanabi.

Tum sang chali thi wo saato kasme,

Par prem ne meri rahein bandh di rasme.

Tum saaj-shringar ki rani bani ho,

Main ranbhoomi ki ek prem-kahani bani ho.

Par mere nayan bhi aansu bahate hain,

Jab tere dard ke baadal ghir aate hain.

Na main jeeti, na tum haari,

Bas pyaar ne kismat ki yeh lakeerein hai bhari.

Kaash, koi janm aisa bhi hota,

Jahan prem ke beech na yudh hota.

Shaayad kisi aur jeevan mein, kisi aur samay par,

Hum dushman nahi, mitra hote.

- Mastani